禽獸不如
之前已經比人揭發佢捉街貓食，另一說法話佢捉大量街貓運上大陸，因為上面D食客覺得香港D貓乾淨D喎
果兩條街我影開嘅貓貓唔見左大部份，有時睇番D相真係心痛；前排見其中一個賊比警察接左，以為會告一段落，點知佢仲敢嚟偷，真係禽獸不如；做衰野係有報應架
蠢貓媽
鬧都無用，佢又生左啦
今次仲好笑，比人鎖左入屋
間屋每日下午就無人，會鎖嘅，我估計佢今次竇仔喺屋入面，鎖門後走唔到出嚟，我嚟到佢咪出唔到嚟食野囉
雖然我相信佢上晝食左野，但餵奶要食多D架嘛；估佢屋入面未必有野食，於是。。。
我搵個膠袋入住貓糧拋入去，竟然一次成功
小豹﹣望天打卦
曾經寫過，一隻被遺棄嘅貓女生左三隻B，大哥“小虎”貪玩走出馬路車死左，跟住貓義工決定將小豹同小妹絕育再送去佢附近嘅公園，要同媽媽分開啦～
但好景不常，佢地阿媽據聞失左踪。
我走去探小豹同小妹，小豹非常痴人（其實好危險），小妹就極度怕人。
呢張，小豹好似喺度問個天：媽媽同哥哥呢？
